Parkrun Amdani Bore Sadwrn

Mae na Parkrun newydd yn dechrau bore fory yng nghyffiniau Machen sydd haner ffordd rhwng Caerffili a Chasnewydd. Am 9.00am  bydd canooed o redwyr brwd yn dechrau ar gwrs 5km heriol trwy Goed Cefn Pwll Du. Dwi'n bwriadu fod yn un ohonyn nhw.

Ers gorffen Rhaglen Ffit Cymru mis Mai diwethaf rwyf wedi rhedeg 24 o barciau run mewn 20 lleoliad gawhannol ar draws Gymru Fach. Mae gen i'r bug rhedeg. Er nad wyf yn gyflym (dwi fel arfer yn rhedeg 5km mewn 29 i 30 munud) dwi'n mwynhau pob cam o'r cyrsiau.

Felly bore fory, rhowch eich dillad rhdeg ymlaen, llenwch eich botel dwr, ewch i nol eich barcode a rhedwch mewn Parkrun.

Ydy'r Cymry'n Iach

Dros yr wythnosau diwethaf rwyf wedi bod yn pendronni os yw'r Cymry'n iach o rhan ffitrwydd. Yn sicr dydw i ddim. Ers troi'n 50 mlwydd oed rwyf wedi bod yn edrych ar ffitrwydd fy hun ac eraill ac wedi dod i'r penderfyniad nad yw digon o bobl y wlad yn edrych ar ol iechyd eu hunain. Mae gormod ohonom yn bwyta'r pethau anghywir ac yn gwneud cyn lleied o ymarfer corff ac y gallen. Mae angen i bethau newid.!
Ond sut ?

Etholiad Yng Nghymru

Nid wyf yn cofio etholiad tebyg i hwn. Mwy o ddewisiadau a llai o ddylanwad gan y ddau prif blaid. Ond, a dyma'r ond mawr oes unrhywbeth wir yn newid yng Nghymru ?

Os ydym am gymharu ein hunain gyda'r Alban a'r codiad sylweddol i gefnogaeth yr SNP yr ateb siwr o fod fydd na. Mae'r Blaid Lafur yng Nghymru  yn siwr o gipio y mwyafrif o seddi gyda'r Ceidwadwyr yn bell tu ol iddynt yn ail. Mae'n debyg bydd y Rhyddfrydwyr yn is na tro diwethaf gyda UKIP yn codi ond ddim yn agos at gipio seddi. Dyle seddi Gogledd Caerdydd a Chanol Caerdydd newid dwylo ac efallai Brycheiniog a Maesyfyd ond siwr o fod dim byd arall rhwng y Pleidiau Prydeinig.

Ond beth am Plaid Cymru ? Mae'r Plaid wedi cael mwy o sylw y tro yma ac mae Leanne Wood wedi perfformio yn dda ac wrth i'r Etholiad mynd yn ei flaen wedi edrych yn fwy hyderus. Doedd y Polau cychwynnol ddim yn edrych yn addawol i'r Blaid ar tua 9-10% ond roedd pol wythnos diwethaf, yn dangos cynydd bach i 12% ac mae rhai yn synhwyro fod y cefnogaeth yn parhau ar ei fyny. Wrth siarad i bobl yn y Cymoedd sydd ddim fel arfer yn cefnog'r Plaid, maent yn bositif iawn am neges Leanne Wood a Phlaid Cymru. Synwn i ddim ar noson yr Etholiad bod Ynys Mon ac efallai Cerdegion hefyd yn newid dwylo gyda canlyniad agos yn Llanelli. Synwn i ddim chwaith bod canran y blaid yn uwch na'r disgwyl yng Nghastell Nedd a'r Rhondda. Chris Bryant you've been warned !

Yn yr Etholiad diwethf wnes i ddaragon 39/40 o'r seddi yn Nghymru yn gywir ar Safle Maes-E. Dim ond Trefaldwyn cefais yn anghywir. Y tro yma rwy'n daraogan 3 sedd i newid dwylo yng Nghymru Gogledd a Chanol Caerdydd ac Ynys Mon. Rwyf hefyd yn credu caiff Plaid Cymru ei chanran uchaf eriod tua 14-15% o'r pleidlais yng Nghymru Fach.

Snwcer Rhyngwladol yn Llandudno

Gwych ! Chwaraeon Rhyngwladol yn yr hen dref. Cystadleuaeth newydd Grand Prix Rhyngwladol. 32 o chwareuwyr gorau'r byd mewn cystadleuaeth snwcer yn Venue Cymru Llandudno. Yn anfffodus gwylio ar ITV 4 fydda i ond pob lwc i'r rhai o Gymru sy'n cystadlu.

Beth nesaf Dartiau ? Pwy a wyr.

Ysgogi Plant i Flogio

Fel athro mae pob diwrnod yn wahannol i'r llall. Yr wythnos yma rwyf wedi penderfynnu dysgu rhai o fechgyn fy nosbarth sut i greu blog syml a chadw dyddiadur o fewn y blog. Mae gennyf nifer o wahannol resymau am wneud hyn ond i ysgogi grwp o fechgyn i weithio ac i ddatblygu diddordeb yn gwaith eu hunain yw dau o'r brif rhesymau.

Y cwestiwn mawr yw fydd e'n llwyddiant. Dylai plant fod yn cyfathrebu yn drydanol yn hytrach na gyda'i gilydd. Ar hyn o bryd mae digon o gyfathrebu wedi mynd mlaen gyda'r plant yn helpu ei gilydd a rhasnnu syniadau ar wella eu dudalennau. A fydd y fenter bach yma'n llwyddo ? Amser a ddengys.

Ydy Cymru'n Newid ?

Yn dilyn y pleidlais ar annibyniaeth yn Yr Alban y cwestiwn mawr ar hyn o bryd yw ydy agweddau'n ein gwlad bach ni yn newid. Er i'r Ymgyrch Ie colli'r pleidlais o 10% mae'n deg i ddweud mae nhw wnaeth ennill y ddadl a nhw wnaeth newid agweddau pobl yr Alban. Credaf hefyd y bydd Refferendwm arall o fewn 10 i 15 blynedd ac efallai y tro nesaf annibyniaeth yn dilyn.

Beth yw'r effaith arnom ni yng Nghymru ? Nid llawer medd rhai, gyda prin newid na chynydd yn y nifer sy'n galw am annibyniaeth. Ond mae newid mewn agwedd ac yn sicr am y tro cyntaf mewn sbel mae pobl yn trafod datganoli ac er eu bod yn sibrwd yn dechrau trafod annibyniaeth ei hun. Dwi'n sicr y bydd mwy o bwerau ar y fordd o fewn y flwyddyn neu ddwy nesaf ac hefyd yr un mor sicr bydd y galw am fwy o bwerau eto yn parhau a'r galw am annibyniaeth er yn parhau yn leiafrif sylweddol yn codi yn ei dro. Cofiwch y dywediad Dyfal Donc a Dur y Garreg.

Dau Dim o Gymru ar y Ffordd i Wembley

Ar ol cymal cyntaf y gemau ail chwarae I Gyngrhair Conference y Blue Square all y ddau glwb o Gymru chwarae yn erbyn ei gilydd. Gyda Wrecsam yn curo Kidderminster o 2-1 ac heno Casnewydd yn curo Grimsby oddi cartref 1-0 mae posibilrwydd cawn weld y gem cyntaf erioed rhwng ddau glwb o Gymru yn Wembley. Cawn yr ateb Dydd Sul !

Pobl mewn Busnes yn Ymddiried yn y Cymry

Yn ol arolwg barn gan gwmni Findsyoucars.com mae gan pobl fwy o ymddiried gyda siaradwyr a'r acen Gymreig wrth wneud busnes na sydd a'r acen Wyddeleg neu Albanaidd. Daeth y Cymry'n uchel yn yr arolwg gyda pobl o Swydd Efrog a Gogledd Ddwyrain Lloegr. Pobl gyda acen o Lerpwl oedd ar y gwaelod.

Etholiad Drosodd

Amser diddorol iawn yng Ngwleidyddiaeth Cymru. Mae'n debygol y bydd y Ceidwadwyr o dan arweiniaeth David Cameron yn rheoli dros y DU. Efallai fydd angen cefnogaeth y Rhyddfrydwyr Democratiaid arnyn nhw. Dim ond lleiafrif o Gymry waneth pleidleisio am hyn.

Gyda'r Blaid Lafur a Phlaid Cymru'n rhedeg y Cynulliad ym Mae Caerdydd dwi'n rhagweld problemau dros y blynyddoedd nesaf. Yn sicr bydd prawf mawr i'r ffordd mae'r Cynulliad yn gweithio. Fel dwi'n ei weld ar hyn o bryd fydd toriadau gwariant mawr, felly mae'n sicr bydd toriad yn yr arian sy'n dod i Gymru o Lundain. Bydd rhaid i'r Cynulliad gwneud toriadau i Wasanaethau Pwysig yng Nghymru e.e. Addysg, Iechyd, Trafnidiaeth, Awdurdod Leol a Gwasanaethau Cymdeithasol. Ond pwy fydd y Cymry'n beio.

Fel dwi'n ei weld mae'n rhaid i'r Llywodraeth yn Llundain cytuno a rhoi sel bendith i unrhyw penderfyniad a wneir yng Nghaerdydd. Beth fydd yn digwydd os mae'r Llywodraeth yn peidio a wneud hyn oherwydd yr effaith ar bobl Lloegr.

Argyfwng Cyfansoddiadol efallai !

Slade yn y Gymraeg

http://news.bbc.co.uk/1/hi/wales/8419595.stm

Mae un o ganeuon fwyaf enwog yr wyl Merry Christmas gan Slade wedi ei gyfiaethu mewn i'r Gymraeg. Bydd y can yn ei chyfanrwydd ar Radio Cymru ar Noswyl y Nadolig.

Copenhagen

Cynhadledd pwysig iawn i'r ddaear ac i ni yng Nghymru Fach. Bydd arweinwyr gwledydd y byd yn gwneud penderfyniadau yr wythnos hon fydd yn dyngedfenol i dyfodol ein gwlad. Oes pethau all wlad fach fel ni ei wneud.

Oes ! Oes ! ac Oes !

Mae'n rhaid i bob un ohonom ni feddwl am y dyfodol ac effaith y ffordd yr ydym yn byw. Sbwriel, egni, trafnidiaeth a dwr, faint ohonom fydd yn gwastraffu neu'n defnyddio un o'r rhain yn ddi-angen heddiw.

Beth am feddwl am y dyfodol a chymryd cyfrifoldeb dros ein gweithredoedd.

Gormod o Siopau Newydd yng Nghaerdydd neu'r Dirwasgiad ?

Ydy mae Canolfan Siopau Newydd Caerdydd "St David's 2" yn edrych yn arbennig o dda. Mae'n codi proffil ein prifddinas ac yn cynig profiadau siopa gwych i gwsmeriaid.Ond, beth yw'r pris i Ganolfannau Siopau eraill o gwmpas yr ardal.

Yn ddiweddar es i Grwys Cwrlwys (Culverhouse Cross) i brynnu cyfrifiadur newydd. Sylweddolais yn syth pa mor fler oedd y rhan yna o'r ddinas yn dechrau edrych gyda ambell i uned yn wag. Mae unedau gwag yn parhau o amgylch Stadiwm Newydd Dinas Caerdydd ac hefyd nid yw'r Canolfan Newdd yng Nghanol Ddinas yn bell o fod yn llawn.

A'i y dirwasgiad sy'n gyfrifol am yr unedau gwag. Mae'n rhaidi fod rhywfaint o effaith y dirwasgiad am hyn ond oes gormod o unedau newydd wedi codi yn ddiweddar. Dwi'n credu bod. Oes digon o siopwyr i gynal yr holl ganolfannau newydd ? Oes digon o arian yn yr economi ?

Amser a ddengys !

Glaw, Glaw a Fwy o Law

Ydy'r tywydd drwg yma am orffen rhywbryd ?

Pob blwyddyn mae gyfnod o amser pam mae'n glawio am gyfnod hir a phob blwyddyn dwi'n dweud wrth fy hyn mae dyma'r glaw gwaethaf dwi di weld.

Ydw i'n iawn i gredu hynny ? Ydy'r tywydd yn mynd yn wlypach ? Ydy e'n ran o Hinsawdd y Byd yn newid ? A'i pobl sydd ar fai ?

Os yw'r moroedd yn codi a'r glaw yn disgyn mwy, beth fydd yn digwydd i diroedd isel ein gwlad ?

Elyrch neu'r Adar Glas

Er fy mod yn gefnogwr Wrecsam (wnawn ni ddweud dim mwy am hynny) mae'n diddorol edrych o'r tu allan ar y brwydr yn y Pencampwriaeth rhwng Caerdydd ac Abertawe. Pa un yw'r tim pel droed gorau yng Nghymru.

Mae Abertawe yn sicr yn perfformio yn llawer gwell nag oeddwn i a nifer eraill yn disgwyl. Wrth edrych ar y tabl y bore ma maent yn haeddianol un safle yn uwch na Chaerdydd. Yn ddiweddar mae canlyniadau a perfformiadau'r Elyrch wedi bod yn ganmoladwy iawn i ddweud y lleiaf yn cynnwys buddugoliaeth o 3 gol i 2 yn erbyn Caerdydd.

"False Dawn" Na ! Dwi ddim yn credu hynny maent yn symud i'r cyfeiriad cywir. Am Gaerdydd sydd i mi a'r chwaraewyr gorau o'r ddau dim, yr 11 cyntaf gorau a rheolwr profiadol iawn.

Dwi'n darogan bydd y ddau'n gorffen yn gyfforddus yn yr haner uchaf (dim sioc fana) gyda un os nad y ddau ohonyn nhw'n cyrraedd y chwech uchaf. Ond, pan ddaw Mis Mai pa set o gefnogwyr bydd yn brolio eu bod yn cefnogi tim gorau Cymru ?

Gwerthu Caerdydd i'r Byd.

Heddiw mae cryn dipyn o sylw ar ein brifddinas gyda prawf cyntaf cyfres y lludw yn dechrau ar Erddi Soffia. Amcangyfrir y gall Caerdydd denu cannoedd o filiynnau o bunnoedd gyda cynydd yn nifer yr ymwelwyr yn dod i ymweld a'r dinas mawr ddrwg.

Dros y pymtheg mlynedd diwethaf ers i mi ddod lawr o'r Gogledd mae'r dinas wedi gwella eu apel cryn dipyn, yn enwedig lawr ym Mae Caerdydd. Mae rhai yn y wasg yn anhapus fod Caerdydd yn cael ddenyddio am achlysur mor bwysig ac yn credu y dylai'r criced fod yn y dinasoedd fwy traddodiadol yn Lloegr. Rwy'n gobeithio y bydd y pobl yna yn ymweld a Chaerdydd yn gyntaf cyn ei feirniadu.

Wrth gwrs fe all y tywydd Gymreig difetha'r cyfan.

Tim Criced i Gymru

Mae Cwpan y Byd 20/20 wedi wedi cychwyn yn Lloegr. Nos Wener gwyliais i't tim cartref yn colli mewn gem dramatig dros ben i'r Iseldiroedd. Ie Wir, Yr Iseldiroedd ! Mae hefyd dimau o'r Alban a'r Iwerddon yn cystadlu. Ond beth am Gymru. Rydym ni'n rhannu'n tim gyda Lloegr, sef England and Wales. Mae'n rhaid bod hi'n amser bellach i ni gael tim ein hunain, o leiaf am y gemau un dydd a'r gemau 20/20. Mae achlysuron yn y gorffenol pam mae Cymru wedi chwarae o dan faner ein hyn, ac roedd tim prawf gyda ni yn y cyfnod rhwng y rhyfeloedd byd. Mae Stadiwm da iawn yng Ngerddi Soffia yng Nghaerdydd felly dwi'n siwr os fuasai awdurdodau yng Nghymru eisiau tim fe all o ddigwydd.

Fel dwed y Saeson:-
" Where there's a Will, there's a way !"

Toshack neu Flynn

Mae'n amlwg na fydd Tim Pel Droed Cymru yn cyrraedd Cwpan y Byd 2010 yn dilyn canlyniad wael adre yn erbyn y Ffindir. Mae'n amlwg hefyd fod nifer o chwareuwyr ifanc a photentsial mawr yn dechrau tori trwodd i dimau cyntaf yn yr Uwch Gyngrhair ac i dim cyntaf Cymru. Ond pwy yw'r gorau i arwain y tim Cenedlaethol am y tair blynedd nesaf. Roeddwn wrth fy modd pan glywais bod Toshack yn rheolwr Cymru ac rwy'n hoffi'r ffordd mae'n ceisio cael y chwareuwyr i basio'r pel yn bwyllog fyny'r cael. (Steil sy'n eithaf tebyg i Brian Flynn). Ydy Toshack yn haeddu un cyfle arall i ddatblygu'r talent ifanc neu fuasai Brian Flynn yn well. Teimlad sydd gen i na fydd unrhyw neiwd tan o leiaf 2011 ond a fydd hynny'n rhy hwyr gyda cyfle euraidd arall wedi ei golli.

Ble fydda'r Urdd heb wirforddolwyr ?

Roedd hi'n bleser i mi gerdded o amgylch maes yr Eisteddfod am dri diwrnod ar ddechrau'r wythnos. Mae'n rhaid talu teyrnged i athrawon ac eraill sy'n rhoi eu hamser rhydd lan i helpu hyfforddi plant ar gyfer cystadleuthau mewn Eisteddfodau. Rwy'n gwybod am rai mewn ysgolion sy'n aros ar ol ysgol i hyfforddi corau, partion llefaru a grwpiau dawnsio sawl gwaith pob wythnos yn arwain at Eisteddfodau, heb son am golli amseroedd egwyl a chinio. Hoffwn cymryd y cyfle yma i ddiolch iddynt am eu hymdrechion, y profiadau maent yn rhoi i blant a'r mwynhad maent yn rhoi i'r gweddill ohonom.

Diolch !

Ydy'r A470 yn digon da i Gymru.

Dros yr wythnos nesaf bydd miloedd o Gymry yn teithio lawr ac yn nol i fyny prif ffordd ein gwlad. Bydd cystadleuwyr ac ymwelwyr yn teithio lawr o'r Gogledd a'r Chanolbarth i'r brifddinas am Eisteddfod yr Urdd. Ydy'n amser i'r ffordd gael ei newid mewn i ffordd ddeuol. O rhan cyfleustra i gyrwyr ydy, ond yn amgylcheddol nac ydy, ac o rhan cost nac ydy. Mae'n haws i mi deithio i Landudno o Gaerffili trwy Gororau Lloegr, Henffordd, Amwythig a Chroesoswallt. Mae'n drueni bod ffyrdd gorau'r wlad sef yr M4 a'r A55 yn cludo pobl rhwng Cymru a Lloegr o'r Gorllewin i'r Dwyrain. Mae'n bechod nad oes cysylltiad digon da sy'n uno ein gwlad rhwng y Gogledd a'r De.

Beth yw'r ateb ?

Pontypridd, England ?

Rwyf newydd agor cyfrif ar Facebook. Mae'r rhwydwaith cymdeithasol yn un llwyddiannus iawn ac mae'n wych gallu cysylltu gyda hen ffrindiau, yn enwedig rhai o ddyddiau ysgol. Ond, credaf ei fod yn warthus bod y cwmni yn cyfri trefi a dinasoedd Cymru yn Lloegr. Mae ymgyrch ar Facebook i newid y sefyllfa.

Pob lwc iddyn nhw !