Cymru Fach

Pobl mewn Busnes yn Ymddiried yn y Cymry

2010-05-16T11:56:00.001+01:00

Yn ol arolwg barn gan gwmni Findsyoucars.com mae gan pobl fwy o ymddiried gyda siaradwyr a'r acen Gymreig wrth wneud busnes na sydd a'r acen Wyddeleg neu Albanaidd. Daeth y Cymry'n uchel yn yr arolwg gyda pobl o Swydd Efrog a Gogledd Ddwyrain Lloegr. Pobl gyda acen o Lerpwl oedd ar y gwaelod.

Etholiad Drosodd

2010-05-09T10:55:00.000+01:00

Amser diddorol iawn yng Ngwleidyddiaeth Cymru. Mae'n debygol y bydd y Ceidwadwyr o dan arweiniaeth David Cameron yn rheoli dros y DU. Efallai fydd angen cefnogaeth y Rhyddfrydwyr Democratiaid arnyn nhw. Dim ond lleiafrif o Gymry waneth pleidleisio am hyn.

Gyda'r Blaid Lafur a Phlaid Cymru'n rhedeg y Cynulliad ym Mae Caerdydd dwi'n rhagweld problemau dros y blynyddoedd nesaf. Yn sicr bydd prawf mawr i'r ffordd mae'r Cynulliad yn gweithio. Fel dwi'n ei weld ar hyn o bryd fydd toriadau gwariant mawr, felly mae'n sicr bydd toriad yn yr arian sy'n dod i Gymru o Lundain. Bydd rhaid i'r Cynulliad gwneud toriadau i Wasanaethau Pwysig yng Nghymru e.e. Addysg, Iechyd, Trafnidiaeth, Awdurdod Leol a Gwasanaethau Cymdeithasol. Ond pwy fydd y Cymry'n beio.

Fel dwi'n ei weld mae'n rhaid i'r Llywodraeth yn Llundain cytuno a rhoi sel bendith i unrhyw penderfyniad a wneir yng Nghaerdydd. Beth fydd yn digwydd os mae'r Llywodraeth yn peidio a wneud hyn oherwydd yr effaith ar bobl Lloegr.

Argyfwng Cyfansoddiadol efallai !

Slade yn y Gymraeg

2009-12-21T09:36:00.003Z

http://news.bbc.co.uk/1/hi/wales/8419595.stm

Mae un o ganeuon fwyaf enwog yr wyl Merry Christmas gan Slade wedi ei gyfiaethu mewn i'r Gymraeg. Bydd y can yn ei chyfanrwydd ar Radio Cymru ar Noswyl y Nadolig.

Copenhagen

2009-12-11T07:08:00.000Z

Cynhadledd pwysig iawn i'r ddaear ac i ni yng Nghymru Fach. Bydd arweinwyr gwledydd y byd yn gwneud penderfyniadau yr wythnos hon fydd yn dyngedfenol i dyfodol ein gwlad. Oes pethau all wlad fach fel ni ei wneud.

Oes ! Oes ! ac Oes !

Mae'n rhaid i bob un ohonom ni feddwl am y dyfodol ac effaith y ffordd yr ydym yn byw. Sbwriel, egni, trafnidiaeth a dwr, faint ohonom fydd yn gwastraffu neu'n defnyddio un o'r rhain yn ddi-angen heddiw.

Beth am feddwl am y dyfodol a chymryd cyfrifoldeb dros ein gweithredoedd.

Gormod o Siopau Newydd yng Nghaerdydd neu'r Dirwasgiad ?

2009-11-28T09:15:00.001Z

Ydy mae Canolfan Siopau Newydd Caerdydd "St David's 2" yn edrych yn arbennig o dda. Mae'n codi proffil ein prifddinas ac yn cynig profiadau siopa gwych i gwsmeriaid.Ond, beth yw'r pris i Ganolfannau Siopau eraill o gwmpas yr ardal.

Yn ddiweddar es i Grwys Cwrlwys (Culverhouse Cross) i brynnu cyfrifiadur newydd. Sylweddolais yn syth pa mor fler oedd y rhan yna o'r ddinas yn dechrau edrych gyda ambell i uned yn wag. Mae unedau gwag yn parhau o amgylch Stadiwm Newydd Dinas Caerdydd ac hefyd nid yw'r Canolfan Newdd yng Nghanol Ddinas yn bell o fod yn llawn.

A'i y dirwasgiad sy'n gyfrifol am yr unedau gwag. Mae'n rhaidi fod rhywfaint o effaith y dirwasgiad am hyn ond oes gormod o unedau newydd wedi codi yn ddiweddar. Dwi'n credu bod. Oes digon o siopwyr i gynal yr holl ganolfannau newydd ? Oes digon o arian yn yr economi ?

Amser a ddengys !

Glaw, Glaw a Fwy o Law

2009-11-23T06:46:00.003Z

Ydy'r tywydd drwg yma am orffen rhywbryd ?

Pob blwyddyn mae gyfnod o amser pam mae'n glawio am gyfnod hir a phob blwyddyn dwi'n dweud wrth fy hyn mae dyma'r glaw gwaethaf dwi di weld.

Ydw i'n iawn i gredu hynny ? Ydy'r tywydd yn mynd yn wlypach ? Ydy e'n ran o Hinsawdd y Byd yn newid ? A'i pobl sydd ar fai ?

Os yw'r moroedd yn codi a'r glaw yn disgyn mwy, beth fydd yn digwydd i diroedd isel ein gwlad ?

Elyrch neu'r Adar Glas

2009-11-22T09:34:00.004Z

Er fy mod yn gefnogwr Wrecsam (wnawn ni ddweud dim mwy am hynny) mae'n diddorol edrych o'r tu allan ar y brwydr yn y Pencampwriaeth rhwng Caerdydd ac Abertawe. Pa un yw'r tim pel droed gorau yng Nghymru.

Mae Abertawe yn sicr yn perfformio yn llawer gwell nag oeddwn i a nifer eraill yn disgwyl. Wrth edrych ar y tabl y bore ma maent yn haeddianol un safle yn uwch na Chaerdydd. Yn ddiweddar mae canlyniadau a perfformiadau'r Elyrch wedi bod yn ganmoladwy iawn i ddweud y lleiaf yn cynnwys buddugoliaeth o 3 gol i 2 yn erbyn Caerdydd.

"False Dawn" Na ! Dwi ddim yn credu hynny maent yn symud i'r cyfeiriad cywir. Am Gaerdydd sydd i mi a'r chwaraewyr gorau o'r ddau dim, yr 11 cyntaf gorau a rheolwr profiadol iawn.

Dwi'n darogan bydd y ddau'n gorffen yn gyfforddus yn yr haner uchaf (dim sioc fana) gyda un os nad y ddau ohonyn nhw'n cyrraedd y chwech uchaf. Ond, pan ddaw Mis Mai pa set o gefnogwyr bydd yn brolio eu bod yn cefnogi tim gorau Cymru ?

Gwerthu Caerdydd i'r Byd.

2009-07-08T06:34:00.010+01:00

Heddiw mae cryn dipyn o sylw ar ein brifddinas gyda prawf cyntaf cyfres y lludw yn dechrau ar Erddi Soffia. Amcangyfrir y gall Caerdydd denu cannoedd o filiynnau o bunnoedd gyda cynydd yn nifer yr ymwelwyr yn dod i ymweld a'r dinas mawr ddrwg.

Dros y pymtheg mlynedd diwethaf ers i mi ddod lawr o'r Gogledd mae'r dinas wedi gwella eu apel cryn dipyn, yn enwedig lawr ym Mae Caerdydd. Mae rhai yn y wasg yn anhapus fod Caerdydd yn cael ddenyddio am achlysur mor bwysig ac yn credu y dylai'r criced fod yn y dinasoedd fwy traddodiadol yn Lloegr. Rwy'n gobeithio y bydd y pobl yna yn ymweld a Chaerdydd yn gyntaf cyn ei feirniadu.

Wrth gwrs fe all y tywydd Gymreig difetha'r cyfan.

Tim Criced i Gymru

2009-06-07T14:13:00.005+01:00

Mae Cwpan y Byd 20/20 wedi wedi cychwyn yn Lloegr. Nos Wener gwyliais i't tim cartref yn colli mewn gem dramatig dros ben i'r Iseldiroedd. Ie Wir, Yr Iseldiroedd ! Mae hefyd dimau o'r Alban a'r Iwerddon yn cystadlu. Ond beth am Gymru. Rydym ni'n rhannu'n tim gyda Lloegr, sef England and Wales. Mae'n rhaid bod hi'n amser bellach i ni gael tim ein hunain, o leiaf am y gemau un dydd a'r gemau 20/20. Mae achlysuron yn y gorffenol pam mae Cymru wedi chwarae o dan faner ein hyn, ac roedd tim prawf gyda ni yn y cyfnod rhwng y rhyfeloedd byd. Mae Stadiwm da iawn yng Ngerddi Soffia yng Nghaerdydd felly dwi'n siwr os fuasai awdurdodau yng Nghymru eisiau tim fe all o ddigwydd.

Fel dwed y Saeson:-
" Where there's a Will, there's a way !"

Toshack neu Flynn

2009-05-30T07:23:00.003+01:00

Mae'n amlwg na fydd Tim Pel Droed Cymru yn cyrraedd Cwpan y Byd 2010 yn dilyn canlyniad wael adre yn erbyn y Ffindir. Mae'n amlwg hefyd fod nifer o chwareuwyr ifanc a photentsial mawr yn dechrau tori trwodd i dimau cyntaf yn yr Uwch Gyngrhair ac i dim cyntaf Cymru. Ond pwy yw'r gorau i arwain y tim Cenedlaethol am y tair blynedd nesaf. Roeddwn wrth fy modd pan glywais bod Toshack yn rheolwr Cymru ac rwy'n hoffi'r ffordd mae'n ceisio cael y chwareuwyr i basio'r pel yn bwyllog fyny'r cael. (Steil sy'n eithaf tebyg i Brian Flynn). Ydy Toshack yn haeddu un cyfle arall i ddatblygu'r talent ifanc neu fuasai Brian Flynn yn well. Teimlad sydd gen i na fydd unrhyw neiwd tan o leiaf 2011 ond a fydd hynny'n rhy hwyr gyda cyfle euraidd arall wedi ei golli.

Ble fydda'r Urdd heb wirforddolwyr ?

2009-05-29T07:23:00.005+01:00

Roedd hi'n bleser i mi gerdded o amgylch maes yr Eisteddfod am dri diwrnod ar ddechrau'r wythnos. Mae'n rhaid talu teyrnged i athrawon ac eraill sy'n rhoi eu hamser rhydd lan i helpu hyfforddi plant ar gyfer cystadleuthau mewn Eisteddfodau. Rwy'n gwybod am rai mewn ysgolion sy'n aros ar ol ysgol i hyfforddi corau, partion llefaru a grwpiau dawnsio sawl gwaith pob wythnos yn arwain at Eisteddfodau, heb son am golli amseroedd egwyl a chinio. Hoffwn cymryd y cyfle yma i ddiolch iddynt am eu hymdrechion, y profiadau maent yn rhoi i blant a'r mwynhad maent yn rhoi i'r gweddill ohonom.

Diolch !

Ydy'r A470 yn digon da i Gymru.

2009-05-23T10:15:00.004+01:00

Dros yr wythnos nesaf bydd miloedd o Gymry yn teithio lawr ac yn nol i fyny prif ffordd ein gwlad. Bydd cystadleuwyr ac ymwelwyr yn teithio lawr o'r Gogledd a'r Chanolbarth i'r brifddinas am Eisteddfod yr Urdd. Ydy'n amser i'r ffordd gael ei newid mewn i ffordd ddeuol. O rhan cyfleustra i gyrwyr ydy, ond yn amgylcheddol nac ydy, ac o rhan cost nac ydy. Mae'n haws i mi deithio i Landudno o Gaerffili trwy Gororau Lloegr, Henffordd, Amwythig a Chroesoswallt. Mae'n drueni bod ffyrdd gorau'r wlad sef yr M4 a'r A55 yn cludo pobl rhwng Cymru a Lloegr o'r Gorllewin i'r Dwyrain. Mae'n bechod nad oes cysylltiad digon da sy'n uno ein gwlad rhwng y Gogledd a'r De.

Beth yw'r ateb ?

Pontypridd, England ?

2009-05-21T21:59:00.003+01:00

Rwyf newydd agor cyfrif ar Facebook. Mae'r rhwydwaith cymdeithasol yn un llwyddiannus iawn ac mae'n wych gallu cysylltu gyda hen ffrindiau, yn enwedig rhai o ddyddiau ysgol. Ond, credaf ei fod yn warthus bod y cwmni yn cyfri trefi a dinasoedd Cymru yn Lloegr. Mae ymgyrch ar Facebook i newid y sefyllfa.

Pob lwc iddyn nhw !

Eisteddfod yr Urdd

2009-05-19T21:55:00.005+01:00

Bydd Eisteddfod yr Urdd ym Mae Caerdydd yr wythnos nesaf ond a'i y Brif Ddinas yw'r man gorau i gynnal yr Wyl. Medda nhw Gwyl Ieuengtid mwyaf Ewrop gyda tua 100,000 o ymwelwyr trwy'r wythnos. Oes gan trigolion Ceardydd wir diddordeb neu ydyd';r mwyafrif yn gweld yr wythnos fel anghyfleustra. A fyddai'n well i'r Eisteddfod crwydro i gymunedau eraill y De yn hytrach na Chaerdydd.

Cymru yn y Eurovision ?

2008-02-15T09:21:00.004Z

Breuddwyd neu hunlle.

Mae'n bosib y flwyddyn nesaf (2009) y bydd yr Alban yn canu'n annibynol yng Nghystadleuaeth Canu'r Eurovision. Mae nifer yn y wlad wedi bod yn ymgyrchu am hyn am sbel yn ol y Wasg Albanaidd. Yn ol rheolau'r EBU sy'n cynhyrchu'r sioe mae gan unrhyw wlad sy'n aelod o'r undeb yr hawl i roi can yn y gystadleuaeth. Mae'r Alban, Cymru a Gogledd Iwerddon yn aelodau.

Os fydd yr Alban yn llwyddo dwi'n rhagweld Cymru yn cystadlu naill ai yn yr un flwyddyn neu y flwyddyn wedyn. Sgwn i ble fydd 12 pwynt pobl Cymru'n mynd ?

Ydy Cymru angen Wrecsam

2008-02-11T20:26:00.000Z

Dwi di cefnogi Wrecsam am 33 o flynyddoedd ac er fy mod nawr yn byw yn Nhe Cymru dal i deithio i dua haner dwsin o gemau crtref a tua 3i 4 oddi cartref pob blwyddyn. Os fuasai Wrecsam yn disgyn allan o'r gynrhair busai'n trychinbeb i mi ac i holl genfogwyr Wrecsam.

Ond beth fuasai'r effaith ar bel droed yng Nghymru. Dwi'n credu fusai'n anoddach (yn sicr yn bell o fod yn amhosib) i fechgyn ifanc y Gogledd chwarae i'r safon rhyngwladol. Fuasai safon "Pel droed yn y Gymuned" yn sicr o dioddef a fwy o fechgyn ifanc siroedd Fflint, Wrecsam a Dinbych yn edrych tua Lloegr. Tan i Gunter chwarae i Gymru llynedd dydw i ddim yn cofio umrhyw un o siroedd Casnwewydd na Mynwy yn chwarae i'r tim Cenedlaethol ers i Gasnewydd disgyn o'r Gynrhair yn niwedd yr 80au. Dydw i ddim yn dweud na fydd fwy o chwareuwyr o'r Gogledd yn chware i Gymru, fydd hynny ddim yn digwydd, ond mae siawns fawr y bydd llai.

Felly os fydd Wrecsam yn cwympo eleni bydd effaith ar y tim cenedlaethol mewn degawd i nawr?

Lloegr v Cymru

2008-02-01T15:20:00.000Z

Wel mae penwythnos y gem fawr wedi dod. Er fy mod yn gefnogwr pel droed rwyf yn edrych ymlaen pob flwyddyn i wylio gemau'r 6 gwlad yn enwedig Cymru yn chwarae'r hen elyn Loegr. Does dim gem arall sy'n uno'r Cymry yn fwy na'r gem yma ac codi gwefr a chreu cynwrf yn ein cendl fach. Miloedd yn tyru draw i Twickers i wylio'r gem a miloedd fwy yn dod o'r Gorllewin y Gogledd a'r Cymoedd i Gaerdydd am sesh a wylio mewn tafarn yng Nghanol y ddinas. Does dim rhyfedd bod Rheolwyr Bragdy Brains yn edrych ymlaen am yr amser yma o'r flwyddyn.

Felly un peth sydd i dddweud Dewch o na Cymru, Come on Wales !

Parcio ar Zig Zags Melyn tu fas i Ysgol

2008-01-13T13:25:00.000Z

Dydw i weithiau ddim yn deall beth sy'n digwydd mewn Cymdeithas. Tu fas i bron pob ysgol yng Nghymru mae marciau melyn siap zig zag sy'n ceisio atal pobl rhag parcio yno. Y rheswm -diogelwch plant, gwneud pethau'n haws i blant ysgol a'i rhieni croesi rhewl. Wrth gwrs tu fas i bron pob ysgol Yng Nghymru mae rhieni yn anwybyddu'r marciau oherwydd maent yn meddwl am un neu ddau o blant yn lle meddwl am y degau neu'r canoedd eraill.

Yr wythnos yma roedd digwyddiad bach tu fas i un o ysgolion cymoedd De Cymru, wnai ddim ei henwi am rhesymau amlwg. Penderfynodd dau o Swyddogion Heddlu'r Cymdeithas seffyll tu fas i ysgol gyda'r penderfyniad i fwcio unrhyw gyrwr oedd yn parcio ar y marciau melyn. Doedd dim syndod eu bod wedi bwcio nifer o yrwr dros y diwrnodau diwethaf. Y syndod mawr yw bod rhieni wedi dadlau a creu sgrach gyda'r heddweision yng nghanol y stryd. Clywais i un yn gweiddi "Where am I supposed to park then ?". Ond y syndod mwyaf i mi a'r siom bod dau o rhieni'r ysgol wedi gwneud cwynion swyddogol i'r Pencadlys Heddlu am eu bod wedi cael eu bwcio. Yn lle derbyn eu bod hwy yn anghywir maent yn credu bod yr Heddlu'n anghywir am gwneud deu gwaith.

Mae'r siwr yfory Dydd Llun ni fydd yr Heddlu o gwmpas yr ardal a bydd rhai o'r rhieni hyn yn ol yn parcio ar y marciau zig zag melyn ac yn creu perygl i blant.

Cwyno am Sain Ffagan

2008-01-03T08:08:00.000Z

Mae'n rhaid i mi fod y ohnest i ddechrau trwy dweud dwi'n mynd i Sain Ffagan amryw o weithiau pob blwyddyn ac yn mwynhau pob ymweliad. Pob tro dwi'n mynd gyda'r teulu dwi dal i deimlo y dylai rhai pethau cael ei wneud yn wahanol. Does dim dwywaith gen i mae Sain Ffagan yw'r amgueddfa awyr agored gorau nid yn unig yng Nghymru ond trwy'r Ynysoedd Prydeinig. Dwi di bod i Amgueddeydd Llechi yn Llanberis, Black Country Museum yn Dudley ac hefyd y Beamish Museum yn Sir Durham, does dim un o'r rhain mor dda a Sain Ffagan.

Pam cwyno am y lle te. Dwi hefyd wedi bod i amryw o amgueddfeydd tebyg ar y cyfandir yn cynnwys yr Amgueddfa Awyr Agored Cenedlaethol yn yr Iseldiroedd ger Arnhem. Mae'n rhaid i mi ddweud eu bod nhw'n gwneud pethau ychydig bach yn well. Wrth gerdded o gwmpas roeddwn yn teimlo fy mod wedi mynd nol mewn amser ac nid yn unig yn ymweld ag amgueddfa. Roedd y staff yno wedi gwisgo mewn gwisgoedd o'r gorffennol ac mewn gwisgoedd cenedlaethol y wlad ac hefyd yn siarad ac egluro pethau llawer mwy yn cynnwys yn yr iaith Saesneg (Ychydig bach yn embarrasing gan nad wyf yn gallu siarad Iseldireg).

Dwi ers amser bellach wedi credu y dylai fwy o ymdrech i wisgo lan gael ei wneud yn Sain Ffagan fel bod yr amgueddfa yn gallu codi o fod yr amgueddfa gorau'r ynys i fod y gorau yn Ewrop.

Resait am Gig Oen a Saws Llus

2008-01-02T15:44:00.000Z

Dwi'n siwr fod pawb dal i fod yn llawn ar ol yr wyl ond gwelais i'r resait traddodiadol Cymreig yma ar y We.

http://www.celtnet.org.uk/recipes/cym/fetch-recipe.php?rid=oen-saws-llus

Cig Oen â Saws Llus (Lamb with Bilberry Sauce)

Cynhwysion
4x150g stéc coes oen
1 llwy fwrdd olew olewydd
125g nionyn wedi ei dorri yn fân
2 clof garlleg wedi ei dorri'n fân
50ml finegr mafon
1 llwy de o hadau pupur du wedi eu cracio
120ml sudd oren ffres
120ml gwin gwyn sych
1 llwy fwrdd purée tomato
150ml o ddŵr;
125g llus newydd eu pigo
1 llwy fwrdd of fél
3 crafell o groen oren
pupur du a halen

Dylid rhoi'r olew mewn padell a'i gynhesu. Pan yn barod rhoddwch bupur a halen ar y cig oen cyn ei roi yn y padell a'i goginio nes yn frown drosodd. Rhoddwch y cig i'r neilltu ac yna gellid tolldi'r nionyn a'r garlleg i'r badell poeth a'u coginio nes yn feddal. Pan yn barod ychwanegwch y finegr a'r hadau pupur. Dylid berwi'r finegr nes ei fod wedi diflannu'n llwyr bron cyn ychwanegu'r gw�EE;n, y sudd oren a'r mêl. Ar y pwynt yma dylia ychwanegu hanner y llus, y purée tomato a'r croen oren. Wedi dod a'r cymysgfa i ferwi dylid troi'r gwres i lawr cyn mudferwi'r cyfan am tua pum munud pan ddylid ychwanegu'r dŵr.
Trosglwyddwch y cymysgfa o'r badell i ddesgil a chaead a ellid ei roi mew popty. Trosgwlyddwch y cig oen yn ol i'r ddesgil gan goi caead arno a'i drosglwyddo i bopty cymhedrol gan ei goginio am 40 munud. Trosglwyddwch y cig oen i le cynnes a tolltwch y saws yn ol i'r badell gwreiddiol gan leihau y saws ychydig drwy ei ferwi cyn ychwanegu gweddill y llus. Pan mae croen y ffrwythau newydd yma bron ar dorri tolltwch y saws dros y cig a'i weini'n unionsyth.

Eisteddfod yr Urdd Bro Conwy 2008

2007-12-14T23:11:00.000Z

Mae Cyngor Sir Conwy wedi datgan eu bod yn ail edrych ar gyfrannu £300,000 tuag at cynal Eisteddfod yr Urdd 2008 ym Mae Penrhyn. Y rheswm mae'r cyngor yn rhoi am y newid meddwl yw bod grant i'r sir o'r Cynulliad yn llai na'r disgwyl. Yn ol y Cyngor maent yn edrych ar doriadau ar draws pob un o wasanaethau'r awdurdod.

Does neb dwi'n siwr am ddadlau bod Eisteddfod yn fwy haeddiannol o grant cyngor nac ydy Addysg, Ysbytai na'r Gwasanaeth Cymdeithasol ond mae'n rhaid cofio mae gwahoddiad cafodd Yr Urdd i fynd a'r Eisteddfod i Fro Conwy yn 2008. Felly na ddylai'r Cyngor cadw at ei addewid o'r £300,000 i'r Urdd heb wneud toriad yn ei chyfraniad.

Yn ffodus bydd Eisteddfod blwyddyn nesaf yn mynd yn ei flaen gyda neu heb arian Cyngor Sir Conwy. Ond mae rhaid gofyn y cwestiwn am sut bydd Eisteddfodau yr Urdd yn cael ei ariannu yn y dyfodol gan ystyried pwysau cynyddol ar gyllidebau awdurdodau lleol.

Cardiff City ?

2007-12-11T19:40:00.000Z

Beth sy'n digwydd ym Mharc Ninian. Er fy mod yn cefnogwr pel droed Wrecsam dwi wedi bod yn dilyn y stori pel droed fawr o'r brifddinas. Neu i fod yn hollol onest wrth ddarllen y newyddion yn y wasg, ar y we, neu gwylio'r newyddion ar y teledu dydw i ddim wir yn deall beth sy'n digwydd yno.

Un peth sy'n sicr dydwi ddim yn credu bod y cefnogwyr yn clywed y gwir na'r stori cyfan. Dydw i ddim yn trystio cyn cadeirydd Caerdydd na chwaith yr un presenol. Yn sicr dydy record y ddau gyda clybiau eraill ddim yn rhai da. Mae'n neud i chi feddwl a ydy adeiladu stadiwm newydd a stad o siopau yn bwysicach i rai sy'n rhedeg y clwb nag ydy'r clwb pel droed ei hun.

Mae'n rhaid i Gymru cael clybiau pel droed sydd mor gryf a phosib. Mae angen i Abertawe, Wrecsam a Chaerdydd chwarae i'r lefel gorau posib. Buasai un arall yn disgyn mewn i drafferthion arian mawr ddim yn helpu dyfodol pel droed yng Nghymru o gwbl.

Siopa Nadolig

2007-12-07T22:07:00.000Z

Yfory fyddaf yn ymuno a miloedd o bobl eraill yr ardal a teithio mewn i Gaerdydd am ychydig o siopa Nadolig.

Profiad diddorol iawn.

Codi'n gynar a cael fy nhrin fel dafad ar dren llawn dop o Gaerffili i Queen Street. Teithio o siop i siop yn chwilio am anrehgion oddi ar rhestr fy Ngwraig. O Boots, i Argos, Debenhams a Smiths ac yn olaf i siop Ffon Symudol rhywle yn y Ddinas. Un ciw hir ar ol un arall pobl yn colli tymer yn aros i dalu o flaen staff diamynedd . Cyn gorffen i fyny yn Old Orleans am ddiod a gweld pobl yn gwenu am y tro cyntaf. Yna dychwelyd i Gaerffili yn barod am chwaraeon y pnawn ar y teledu a'r radio.

Ffoniwch am Joe Calzaghe

2007-12-03T21:35:00.000Z

Llynedd yng Nghystadleuaeth BBC Personoliaeth Chwaraeon y Flwyddyn enillodd Zara Philllips. Darllenais i'n rhywle yn ddiweddar y rheswm am ei llwyddiant ar y noson oedd i gymuned marchogaeth ceffylau trefnu eu hunain a sicrhau digon o bleidleisau iddi enill.

Eleni mae'n amser i ni wneud yr un peth ar gyfer Cymro Joe Calzaghe. Nid oherwydd ei fod yn Gymro er fod hynny'n helpu, ond oherwydd o ran llwyddiant chwaraeon mae'n ei haeddu. Dwi ddim eisiau critiseisio unrhyw un o'r ymgeiswyr eraill, gewch chi gwneud hynny eich hunain ond mae digon o resymau positif i bam mae Calzaghe yn haeddu'r wobr.

Mae ef wedi bod yn Bencampwr y Byd am dros degawd yn hirach nag unrhyw un arall yn hanes bocsio Prydeinig ac yn hirach nag unrhyw un arall yn y byd ar hyn o bryd. Mae wedi curo Peter Manfredo a Mikkel Kessler o Ddenmarc ac yn gallu denu dorf o bron 50,000 i Gaerdydd.

Felly dewch Cymru ar nos Sul nesaf Ffoniwch am Joe !

Papur Newydd Cymraeg "Y Byd"

2007-12-01T08:44:00.001Z

Braf iawn oedd clywed mis Mehefin diwethaf fod cynlluniau i greu papur dyddiol yn y Gymraeg. Y gobaith oedd ei lansio ar ol Dydd Gwyl Dewi, ar Fawrth y 3ydd 2008 gyda tua 5,000 o gopiau yn cael eu gwerthu'n ddyddiol. Roedd yn amlwg o'r dechrau bod angen arian cyhoeddus tuag at y fath gynllun gyda'r Cynulliad a'r Bwrdd Iaith yn gweud cyfraniadau sylweddol.

Siom oedd clywed yr wythnos hon bod problemau gyda'r paratoadau a bod y dyddiad lansio wedi cael ei ohirio tan efallai 2009. Rhai blynyddoedd yn ol gwerthwyd papur wythnosol ar Ddydd Sul os rwy'n cofio'n gywir "Y Sulyn" oedd ei enw. Yn anffodus disgynodd nifer y darllenwyr ac oherwydd rhesymau arianol gorffenodd y papur.

Rwy'n gobeithio mae nid problemau cost yn unig sydd tu ol i'r dileu yn y lansiad. Bechod fuasai colli cyfle i greu rhywbeth newydd yn y Gymraeg oherwydd arian ac oherwydd rydym yn genedl mor fach mewn nifer.

Croeso i Flog Newydd

2007-11-29T20:36:00.001Z

Croeso i bawb at Flog Newydd am Ddiwylliant a Chwaraeon yng Nghymru. Rwy'n gobeithio blogio am fron iawn unrhywbeth Cymreig o'r celfyddydau, chwaraeon, addysg neu bywd pob dydd ond gobeithio ei wneud heb y gwleidyddiaeth. Rwy'n gwybod fod gwleidyddiaeth yn bwysig iawn i'n gwlad ond mae rhai pethau dylid ceisio cadw ar wahan. Mae chwaraeon a nifer o agweddau o ddiwylliant ein cenedl fach yn rhai o'r pethau yma.